تتعبنا كثيراً يوم نجي نصرفها ، فجميع أصحاب المحلات يحاول قد ما يقدر
يتهرب منها ويقولك ما عندي فكة ، طيب كيف يعني ، نخليها بجيوبنا زينة و نتمظهر
فيها ولا كيف يعني ؟؟
القهر بصراحة تحسه بداخلك يوم تلقى واحد بن حلال و يطمئن لسماحة وجهك
و بعد إبتسامة عريضة و شوية دعاوي يوافق يصرفها لك ، و بعدين يشك بذمتك و يبدأ يوجهها
على أقوى لمبة عنده بالمحل ليتأكد منها لا تكون مزورة و يروح ضحية إبتسامة غدارة ..
بالنسبة لي أنا ناشباً لأصحاب محطات البنزين و أعتقد غيري كثير ، و مالي غيرهم حقيقة
إذا جميع المحلات تتهرب من صرفها ..
ما هناك حلول تريحنا من هـ الفئة المشؤومة ، مع إنه في السابق كانت فئة الـ 200 مريحتنا
و يازينها حتى لو أنسرقت حسرتها مو مثل حسرة الـ500 .. إلا على طاريها وين هي هـ الفئة
وش صار فيها حتى تنقطع من السوق و تختفي .. لا يكون عشان المليون فيها 5000 ورقة من أبو 200 ريال
و المليار فيه 5 مليون ورقة منها ..
آها ممكن هذا سبب لإختفائها لإن المليون فيها 2000 ورقة من أبو 500 ريال و المليار فيه 2 مليون
ورقة من أبو 500 ريال .. و الفرق واضح عند حمل مبلغ فيه 5 مليون ورقة من أبو 200 ريال
و عند حمل مبلغ فيه 2 مليون ورقة من أبو 500 ريال ..
معاهم حق يوم نسمع مشاريع هـ الأيام بالمليارت ..
لا تكون الشغلة ملعوب علينا و حنا يا غافل لك الله ننخنق بفكة الـ 500 .. !!
ليست هناك تعليقات:
إرسال تعليق